當年今日
關於我們

  冬冬唔敢搭的士 - 李八方

蘋果日報 2003/11/27 00:00


老董一日在位,特區一日唔得安寧,不過特區政府都好努力改善形象嘅,好似呢幾日,各部門一有事,就開編輯簡報會,盡量透明,講多啲內情畀啲傳媒聽。數一數,星期二有三個,星期三有兩個,都算忽然活躍。
冬冬一直比較好運,不過遇到啲專利同非專利巴士,的士同白牌之爭,佢大姐都唔敢怠慢,正如冬冬講,今日可能冇乜人識「白牌車」係乜嘢,因為呢啲都已成歷史。
冬冬覺得呢啲問題,正如阿董覺得自己民望低嘅原因一樣,其實都因為經濟唔好所致,大家要爭生意實會躁,佢重話好鍾意聽到張文光話,啲的士司機同佢講最近生意好咗,叫大家搭多啲的士。但係冬冬自己就唔係好敢幫襯喇,事關佢次次一上車,啲的士佬都同佢呻生意差,叫佢幫吓手,搞到冬冬坐的士都坐到想喊就無謂咯。
(圖)的士生意唔好,冬冬怕班的士佬嘈,唔敢上車。


傳真︰2623-9278
電郵︰[email protected]