鄧達智、莊思敏(Jacqueline)及陳婉衡等，今日去到元朗八鄉出席一間泰式餐廳開幕儀式。

原先與家姐莊思敏共住嘅莊思明，決定搬出與男友楊明共赴同居生活，莊思敏話：「佢好似未搵到屋，佢搬出去之後我就一個人住，朱咪咪同我講間屋太靜唔好，我之後會成日開party。」Jacqueline表示目前仍孤獨單身，對於日前與丁子朗一同拍攝節目，會否考慮這小鮮肉，Jacqueline話：「佢得20歲，真係太細個，我接受唔到，年齡有差距，可能大家追求目標唔同，咁細個想攞拍拖經驗，我就想搵結婚對象。」

同男友訂盟婚約嘅鄧達智(William)昨日出現，未見另一半陳梓欣陪同，William指對方忙於動手術，對於訂婚後嘅生活，William話：「暫時未一齊同住，大家都忙，要啲時間磨合。工作以外大家都一齊旅行，慢慢會ok，好多嘢要疏理，大家都係獨立嘅人，一星期會見五晚，其實唔夠㗎，食完飯都係各自返屋企。」