學生妹猛放電
KAN-TUN話追男仔最好嘅地方莫過於學校,你睇龜梨和美(龜梨和也)一見到靚仔赤西仁,即刻撇甩身邊好友,嗲聲嗲氣咁問赤西:「一齊返學好唔好啫?」電到赤西猛話好。
遊樂場洩春光
KAT-TUN話同暗戀嘅男士第一次約會,梗係要去遊樂場。睇吓赤西仁子(赤西仁)着條緊身裙,同中丸雄一拍拖,一時扮驚,一時唔覺意走光,令男人嗒晒糖。
趴地熊認低威
和美妹上上吓堂手機響,本來佢想唔認,推落隔籬位個同學仔度,不過最後都決定跪地認錯,令靚仔田口淳之介老師對佢另眼相看。
墊胸打沙灘波
呢個田中聖子(田中聖)墊大個胸,着住件小背心同男友去沙灘,咁性感嘅打扮,難怪周圍嘅男士即刻黐埋去同佢打場友誼賽,但係咁樣好容易激親自己個真命天子噃!