周麗淇（Niki）今日同陳豪喺金鐘出席活動，Niki話已恭喜陳豪榮升老竇，仲話對方都有俾BB相佢睇，不過0依家仲係「麵粉」咁，腫腫哋，未睇到似邊個。

Niki表示7年前同陳豪合作拍劇後，好耐冇見，覺得佢變化真係好大，見到佢嘅笑容一直冇停過，一路食嘢都笑緊，Niki話陳豪都有催佢快啲，話到時就明。

咁Niki會唔會快啲結婚？佢話順其自然，暫時冇plan過。問佢聖誕點同男友徐正曦慶祝？Niki話未知，話男友懶神秘咁，問Niki男友係咪想求婚俾個驚喜佢？佢即反應好大話： 「唔係啩，咁驚嚇？我呼籲千奇唔好搞呢啲嘢。」


本報娛樂版舉辦的「萬千星虧頒獎禮」已經來到第五屆，今屆口號為「全民起義，網民話事」，換言之由網民一人一票選出心目中最虧代表，包括男主角、女主角、最虧節目及最虧場面。讀者可由即日起至本月14日、晚上11時59分之前，到以下網址( http://campaign.appledaily.com/tvawards2013 )投票。投票結果於本月16日在本報娛樂版及網上公佈。