【周柏豪跟唔到嘴唱】唔八栢芝BB生父 舊愛陳曉東：佢唔主動講，我唔會問

蘋果日報 2018/12/30 12:30

新城勁爆頒獎禮2018張栢芝陳曉東周柏豪
    陳曉東噚晚喺「新城勁爆頒獎禮2018」做特別表演嘉賓，佢仲搞氣氛，落台「隊咪」叫歌手唱佢首經典歌《心有獨鍾》，見到周柏豪就接唔到嘴，而張敬軒同欣宜就識跟住唱，欣宜仲跳埋舞。
    東東講到自己好多年無去頒獎禮，覺得好好玩，對上一次係07、08年，數數手指都有10年。講到台下同歌手玩，東東話：「欣宜、軒仔我都識嘅，我識欣宜時，佢都未入行，佢仲係小朋友，因為之前見到Supper Moment走落台，所以自己都落台玩吓。」東東透露會留喺香港一段長時間：「其中一樣係準備出年演唱會，好少聯絡香港artist，自己喺內地多，都想搵吓邊個有時間，叫佢哋一齊嚟玩。由於今次係long stay，都會一兩個月見唔到囡囡，呢個新年都要自己過。」
    問到點解囡囡唔嚟香港探佢？東東話：「佢哋好忙，要上芭蕾舞、唱歌班、跳舞畫畫班，排唔到期、抽唔到期畀我，所以要自己過。」東東還表示近排返到香港，覺得香港天氣好凍，因為佢太太早前凍親失聲，都有睇到華仔演唱會報道，希望佢早日康復。
    最後問到佢知唔知舊愛張栢芝生咗第三個小朋友？東東表示：「有恭喜過佢，我答咗。」再問知唔知栢芝嘅小朋友生父係邊個？佢話：「做朋友唔會問呢啲嘢，佢唔主動講，我唔會問。」有無親自打電話去恭喜？東東：「相信佢有睇報紙，應該睇到我恭喜。」
    精選娛聞，喺晒《娛果》
    http://fb.com/appledailyent
    empty
    採訪、攝影：曹家誠、沈健程
    empty
    東東在台上唱經典歌《情有獨鍾》
    empty
    周柏豪就唔識唱東東呢首經典歌。
    empty
    欣宜識唱仲一齊跳舞。
    empty
    東東落到台下，張敬軒同側田都識一齊唱。
    empty
    東東表示嚟緊喺香港留一段時間。