蘇永康半年前推出新歌《你哪位》，拍畢MV準備宣傳之際，因遇着老友許志安的「安心偷食」事件，由於歌曲內容太貼近事情而煞停。雪藏多時的新歌終重見天日，他今日在商台接受訪問，這歌已改名《不方便》，連歌曲內容也改掉，MV重拍：「當時發生社會事件，出唔到街，而家執番啲手尾，唔想拖過年。」

新歌重新面世，連事主女主角黃心穎日前也蒲頭，十分有緣，蘇永康未有留意新聞反問：「邊個返咗嚟？（黃心穎）我唔知道佢返咗嚟。首歌內容唔同晒扯唔上關係。」他聖誕前有跟安仔見面，強調安仔跟鄭秀文夫婦二人招呼自己。

另外蘇永康跟家人上星期同遊日本，抱2歲半兒子上落的士不慎扭傷腰，現需物理治療。被笑指不能做床上運動再「造人」，他說：「本來太太之前都心郁郁，但之前幫仔搵學校就打消念頭。」他更指兒子懂得氹女仔，笑說：「爸爸唔叻，如果每個世伯教一招就得。」

另外，李家榮（火火）和李健宏（KB）組成名為「雙龍出海」中佬男子組合，今日在商台接受訪問。二人在網上號召一班有心人合作舉行音樂會，維期半年的計劃宣佈成功，並將會在明年1月3日於九展舉行音樂會，目前已派發近500張門票。

KB表示之前大家心情「霉霉地」，想做一些事情來氹香港人開心。沒想過在網上召集人力竟一呼百應獲很多人支持，他們強調會堅持不為錢而做，KB說：「我哋係搲人力，唔搲錢，以前香港人會行街打招呼，而家冇晒，想搵啱channel嘅人。」火火表示挑選樂手時遇到很多有才華的人，有些人年紀比自己大，也有女樂手只得23歲，他們覺得對方是樂壇知名音樂人黃丹儀的年輕版，火火說：「我哋要做自己嘅弱項，唱歌五音不全，而家我好驚做騷時唱得唔好，綵排佢彈得好我唱得衰就『唧』我。」

二人自嘲幕後沒有太多人認識，但都有很多人支持，只是間中碰灰：「試過拎海報想貼喺餐廳，有啲唔肯，佢哋唔識我哋啲蛋散，拎住一卷二卷嘢唔知係乜嘢。」但今次能如所想辦音樂會，他們已覺得計劃成功。

採訪、攝影：王連連

-----------------------------
蝙蝠俠誕生80周年
點擊即睇85頁經典大回顧
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇