華叔為咗祖國自由開放,不知捱過幾多人辱罵,又點會俾你班團友嚇窒。華叔話,佢老人家未驚過,嚟緊連串悼念六四19周年嘅活動,佢依然會堅持到底。噚日有記者問佢,今年六四紀念臨近北京奧運,怕唔怕大氣候向左走,冇人出席悼念活動?華叔認為,過去18年來,總有一班香港人風雨不改,走出嚟哀悼六四英靈,佢始終堅信,仍然有大批有心嘅香港人,喺適當時候就會現身表態。有咁多港人支持,華叔簡直可以化身鐵甲奇俠,為咗伸張正義,唔怕你人多蝦人少,繼續無堅不摧。
不過,鐵人都要唞吓氣,華叔𠵱家唯一要操心嘅,係自己條腰。事關早輪替國殤之柱髹油嘅時候,不慎整親條腰,仲搞到左腳骨膜炎。八方希望佢快啲好番,繼續戰鬥到底!
mailto:
[email protected]