陳嘉熙是現時唯一的受讓十磅見習騎師，最初登場時唔少練馬師都睇準他的優勢，安排一些具實力而又唔太難騎之馬由他搏殺，可能受讓太多，唔少放頭馬放吓放吓就到，未真正考驗小伙子的騎功。

可惜陳嘉熙最近騎一些較難發揮之馬，發揮未盡如意，有時失卻先機便會進退失據，當然對一位十磅仔不能太過苛刻，但揀馬時不要因受讓十磅而盲目投注，留意馬匹跑法脾性才是正路。

周三（12日）夜泥第六場三班1200米，「地大大」曾經由陳嘉熙建功，駕馭方面絕無問題，今次再爭強項泥地1200米，可望順利贏出為騎者重拾信心。

英國馬「地大大」來港初期表現平平，相信是當時未適應香港環境，評分順勢不斷下調，到2月先在田草1200米初見走勢，之後試泥閘表現出色，隨即改攻泥賽，以全熱門姿態大勝。

「地大大」及後只負於另一泥地怪傑「好好利高」，再出雖然起步唔夠快，但陳嘉熙仍能不慌不忙從後追上，與此駒特別合拍，輸完一場草地賽後重返泥地，目標相當明顯。

羅富全爭冠處於不利形勢，近期氣勢與之前亦有明顯分別，不過始終高班泥地賽事買少見少，難得有一場適合「地大大」發揮，趁馬兒當弗自然要盡力謀取佳績。

練者不斷安排此駒由徒弟陳嘉熙主轡，以令陣上發揮有更佳效果，而「地大大」今場檔位（5檔）理想，可取季內第三捷。

-----------------------------
【新聞有價】6月17日起 繼續撐蘋果
https://hk.adai.ly/GTPgDi0woX