曾經是學聯秘書長的羅冠聰，將立法會外的「命運自主台」信念帶入議會，以23歲之齡成為最年輕議員，宣誓時「國」字變音令其被政府狙擊。羅冠聰認為今次宣誓以至人大釋法風波，只是北京打著港獨的幌子，持續打擊香港的政治社群及抗爭力量，「（只要）政治上有同北京政府唔同嘅覺悟，將人權自由睇成畀北京政府面色更重要嘅抗爭力量出現，就用盡力打壓。」

記者 陳雪玲

雖然梁振英宣佈不連任，但羅冠聰指其治下四年多已令香港民不聊生，制度崩壞，可以預視梁是否在位，在此制度下的香港只會差下去，「林鄭竟然講得出怕北京冇面、唔高興；諮詢會遇到反對，就急急上馬（西九建故宮館），呢個講法係荒謬同黐線」，他希望市民懂得反抗及捍衛，為自己的權利發聲。

「香港釋法權喺一個獨裁政府手上，可以將所有規限及遊戲規則，左扭右扭，扭到去服務政治企圖，將所有進步民主派，將香港抗爭力量踢出議會。」他形容是次宣誓風波是中共設下的陷阱，用一把由釋法造出的刀，交到司法機構手上，指市民別忘記狙擊律政司司長袁國強，「（袁）點解能夠配合北京政府，將呢把刀放到法庭手上，去入稟司法覆核﹖」

羅續說：「北京政府企圖造成白色恐怖同寒蟬效應，成唔成功好睇元旦遊行大家願唔願意行出來。」過去港人以為前路盡時，總會有一股龐大力量爆發，為大家開路，「（宣誓風波）過程當中我完全唔害怕。我最害怕係香港人眼白白望住自己嘅權利，自己嘅選擇被剝奪時，佢哋唔懂得去反抗。」