當年今日
關於我們
師徒有冇情講 高路普唔再借門神俾哈軍
蘋果日報 2017/06/15 04:05
利物浦
歐聯
哈特斯菲爾德
丹尼禾特
足球
17/18球季
利物浦唔會再借門將丹尼禾特,俾哈特斯菲爾德。
英超新一季就有支初哥升班馬:哈特斯菲爾德,哈軍喺英冠升班附加賽互射12碼淘汰雷丁晉級,門將丹尼禾特連番撲救成為功臣,其實呢位23歲威爾斯門將係屬於利物浦,哈軍領隊華拿因為喺多蒙特時期,做過利物浦領隊高路普副手,所以靠關係借到呢位門神,不過隨住哈軍升班,大家咁高咁大,高路普就拒絕再借出禾特嘞。
據英國《太陽報》報導,利物浦新一季有得踢歐聯,多條戰線兵源都要增加番,加上一對門將卡利奧斯同米洛列特都輪流派膠,真係唔知信邊個好;就算同華拿有師徒關係,高路普都要講聲唔好意思,要收番禾特自己用嘞。對香港嘅紅軍球迷都係好消息,事關高路普仲會帶埋禾特去香港踢英超挑戰盃,大家可以睇吓呢位英冠門神夠唔夠班踢英超。
利物浦領隊高路普(左),同哈軍領隊華拿私交甚篤。