記得早前韋達曾特別向競賽小組申請調改停賽日期，正正係為咗聽日賽事跑葉楚航馬房隻「隨心隨意」爭第七場一班1600米其士盃。「隨心隨意」馬主陳佛恩同女兒陳穎怡曾經響九月尾設宴，邀請韋達、航哥同馬房手足出席，席間航哥表示匹馬上仗季內初出響一班1400米廣東讓賽盃雖然只得第四，但整體表現唔錯，仲話明再出跑其士盃，以及定下季內目標出爭四歲馬系列大賽。韋達咁神心為呢隻馬，一定搏甩脾啦！