【本報訊】劉小麗搶閘報名九西補選，公屋區是復仇戰的重點陣地，上次3.11補選，民建聯鄭泳舜於啟德新公屋啟晴邨重挫民主派姚松炎，建制派得票率高達65%，但民主派在紅區即使「輸成條街」，也不等於棄守，劉小麗表明即使「紅區」也不能放棄，民主派要透過地區議題和與居民建立關係，抗擊建制派以蛇齋餅糭換取支持。

冀得票率至少四成

根據年初的3.11九龍西補選，民建聯在啟晴邨的得票率高達65%，民主派僅餘34%，此區為建制、泛民在九西得票率最懸殊的一區。劉小麗坦言無反敗為勝的把握，惟有盡做爭取翻盤，冀得票率起碼有四成，「我覺得啟晴邨唔係好紅，佢哋其實想要一個好親民、好關心佢哋處境嘅議員」。
一般人眼中，新公屋多住新移民，政治上既紅且左，劉小麗說上周在邨內爭取提名，反應不太差，有人接單張、有人給提名、有人向她點頭示好。住在啟晴邨旁邊、同屬「紅區」德朗邨的魏女士路過時便提名給劉小麗，魏稱很抗拒建制派，「乜嘢都俾人限制住，你鍾意咩？」她指啟晴、德朗兩邨「九成都係大陸（人住），（選舉時）總有啲人上門、借頭借路派吓嘢，自己知咩事，我唔收嘅，冇需要，要嚟做乜？」
劉小麗認為，當建制派以天文數字的資源、盡用蛇齋餅糭籠絡人心，缺乏銀彈的民主派便要用地區議題與居民建立關係，才有望突圍，「有居民同我講，呢區啲人收好多蛇齋餅糭，例如剛剛過去嘅中秋，居民真係收嘢收到怕。呢啲地方係要同居民建立更緊密嘅關係，等佢哋認識我哋，先有支持」。
劉續指，啟晴邨雖是紅區，但以往在這裏談沙中綫、談土地供應，反應不比其他區差，「我哋都未開完個（街）站，有幾個街坊已經埋嚟話要收回粉嶺高球場；沙中綫都係咁，我哋未開完站，已經嚟簽名（聯署要求徹查）」。雖然以往民主派在此區選舉均是失敗收場，但劉小麗認為即使如此也不能放棄。
■記者姚國雄