早前懷疑「衰十一」嘅新特蘭翼鋒阿當莊臣，由於獲延長保釋五周，球會方面亦喺周三決定取消佢嘅停賽禁令，將會盡快復操，幫目前排尾四嘅黑貓護級。阿當莊臣回歸，球迷叫好，但另一前鋒史提芬費查，最近就被球迷插，皆因佢最近買咗架價值二十六萬鎊嘅林寶堅尼（圖），仲將相上載至社交網站，點知球迷揶揄佢兩年入得七球，憑咩仲喺度晒靚車喎！