【新增內容】
日本男星木村拓哉貴為星爸，繼15歲細女光希成為演藝界紅人後，17歲大女心美也盛傳入行，佢今年參加音樂公開賽嘅照片已在網上流出，逐漸揭開心美嘅神秘面紗。

木村一家今年密密賺，由太太靜香到光希都豬籠入水，靜香正展開巡迴Dinner Show，今日佢就於新潟演出，又趁開騷貼出綵排照，囡囡光希今日亦有捧媽咪場，拍下靜香台上風姿。身為一家之主嘅木村趁收爐前亦忙碌開工，佢就同名嘴明石家森馬拍攝賀年節目，展開兩日一夜之旅，早已考得船牌嘅木村仲親自駕駛遊艇出海。同時，木村為其網上節目亦挑戰傳統技藝，包括用傘來保持平衡轉紙球。

同時，新一期《週刊文春》雜誌公佈讀者選出嘅「2018年度最喜愛及最討厭尊尼男星」；最喜愛尊尼男星方面，前SMAP隊長中居正廣成兩連霸得主，以289票大比數登上冠軍，NEWS增田貴久、嵐嘅大野智順序佔前三名，山下智久排梗頸四，木村只得第五位。反觀最討厭尊尼男星，木村硬啃373票「冧莊」第一名，NEWS成員小山慶一郎及手越祐也齊進三甲，大師兄近藤真彥就由去年下跌一級排第四名，嵐三位成員松本潤、櫻井翔、二宮和也近年因緋聞及婚訊影響人氣，齊齊進榜佔第五、第七及第八位，而中居都不幸打進第六位。

精選娛聞，喺晒《娛果》
http://fb.com/appledailyent