中生北控（8247）上月以每股2元配售3300萬股H股上市，由於街貨大部份落入大行及基金手上，股價首日上市，亁挾上2.925元高位，翌日急回至2.35元，之後在2.60元附近上落。
持有中生北控的大行及基金有德銀、PheimAssetManagement、以及新加坡政府旗下的投資機構（CIG），其中持股量最多的德銀已開始減持，3月3日的持股量由883.2萬股降至641萬股，由佔H股26.76%降至19.42%。
雖然如此，近期唔見該股沽壓特別大，皆因德銀沽貨的同時有強者接貨，OasisManagement以每股2.40元接下325萬股。中生北控噚日收2.60元，冇升跌。
美資基金AtticusCapitalLL持有新世界（017）股權5%曝光後，即有消息話呢個基金與TCI份屬戰友，刺激新世界股價一度升近3%至12.45元，但好快就回軟，收報12.20元，升0.83%。
i師傅話，既然TCI都撤退，不排除佢嘅戰友都好快會撤軍，唔知係咪有人是想借身份曝光，刺激股價炒上，然後趁高沽貨離場。