31歲嘅樂壇天后Lady GaGa嘅紀錄片《Gaga: Five Foot Two》即將於Netflix上架，之前預告有見到佢要打止痛針，而且一臉痛苦。噚日佢就於Twitter表示自己係患上纖維肌痛症，係一個長期病患。佢寫道：「喺我哋嘅紀錄片中嘅長期痛症係纖維肌痛症，我希望可以藉此引起大家嘅關注，同患病嘅人連系。」纖維肌痛症會令肌肉繃緊痛楚，而片中所見Lady GaGa亦要打止痛針先可以止痛，非常痛苦。預告中見到佢要敷冰止痛，佢問道：「我睇上去係咪好可憐？我真係好尷尬。」更開始掩面喊。