台灣歌手A-Lin(黃麗玲)今日現身金鐘，為三月八日喺會展舉行嘅《 I'm A-Lin 世界巡迴演唱會香港站》出席記者會。啱啱先喺台灣完成上一個巡演，緊接喺月底就開始新加坡場新巡演，A-Lin接受訪問時表示：「自己喜歡工作，休息太久會生病。」

今次新專輯由A-Lin自己擔任製作人，並希望以音樂性出發，所以表演場地選擇會展，佢話：「希望場地規模小一點，可以氣氛好一點，跟觀眾有更近距離，其實我第一次來港演出亦是在會展。」A-Lin又話今次香港演出唔會有華麗嘅舞台，亦唔會有Dancers載歌載舞，純粹從音樂性出發：「我們有很好的音樂團隊，希望觀眾可以享。」

同時又稱受連舞台服裝都由A-Lin自己負責，問到會否性感現身？佢話：「我覺得自己本來已經很性感同時也很感性。」上次喺台灣開騷老公同囡囡都有嚟捧場，今次香港佢哋會唔會再嚟？佢話：「看情況吧，如果有時間都希望他們會來。」

精選娛聞，喺晒《娛果》
http://fb.com/appledailyent