白鴿黨選舉宣傳片套《那些年，我們一起的天與地》，可能係唯一令人醒起鐵頭何原來有份選特首嘅嘢。「白鴿黨九把刀」林子健見拍片宣傳反應唔錯，上星期即刻添食拍《外傳》，搵嚟李永達老婆陳樹英客寸扮桃姐，去到龍豬唐喺九龍塘約道豪宅外取景，當時條街仲有好多吊雞車，記者蜂擁採訪唐唐僭建醜聞，可謂新鮮熱辣。英姐喺片中大鬧少爺仔「冇膊頭、冇腰骨，出賣女人」。子健話，估唔到英姐平日咁古肅，但一上鏡就咁搞笑，演技流暢自然。