為神劇《太陽的後裔》獻唱插曲《再次將你》嘅韓國女歌手金娜英，今晚於銅鑼灣hmv嘅hmv Bar & Restaurant舉行首場香港音樂會，不過現場就發生咗少少意外。喺金娜英表演之後，大約9點30分左右，火警突然鐘響起。

警鐘響起後，現場侍應疏散人客，但有fans因為等緊金娜英簽名唔肯走，工作人員仲安排大合照，但金娜英就有啲不知所措，影完一張相之後立即離開。其後消防員到場了解後，指火警鐘是誤鳴，待應已經停止疏散人客，現場冇人受傷。

而HMV公關部回覆《蘋果》查詢時就稱，現場沒有冒煙，警鐘響起時，確曾一度疏散人群，消防員很快到場，亦開始逐層疏散，及後證實是誤鳴，停止疏散市民。

事有湊巧，今日蔡一鳳原來亦在慶祝生日，她稱：「第一次試過切生日蛋糕遇上火警，開頭有啲驚，食到一半，問待應佢話check緊管理處，現場fans唔肯走，有食客都立即走，跟住有兩消防員嚟check，待應逐枱埋單，跟住勸喻食客為安全離開。」