英超｜獲阿古路臨別贈車 曼城球衣管理員貪錢轉賣套現
蘋果日報 2021/06/10 23:30
曼城阿古路
馬蘭特負責曼城嘅球衣管理已經有一段時間
阿根廷前鋒阿古路上個月離開效力咗9年嘅曼城，臨走前仲送咗一堆大禮俾一班球會職員，當中更包括一部價值4萬鎊嘅名車，不過獲得呢部車嘅曼城球衣管理員馬蘭特最近就將呢份大禮放咗上ebay拍賣，唔知阿古路知道嘅話會唔會唔開心呢？
阿古路臨另曼城之前送出咗一大堆禮物俾曼城嘅職員，其中擔任球衣管理員馬蘭特（Ally Marland）就獲得一部價值4萬鎊嘅2016年嘅Range Rover SUV，當時阿古路仲親自將條車匙交俾馬蘭特，兩個人仲深情擁抱鬼咁感動。
當日馬蘭特收到阿古路部車嗰陣鬼咁開心同感動，點知轉個頭就拎咗部車去賣
不過事隔唔夠一個月，馬蘭特就將部車放咗上ebay拍賣，真係完全唔俾面。不過馬蘭特就解釋指佢同太太已經每人有一部車，所以唔需要多一部咁話。佢仲話呢部車賣出咗之後，會將獲得嘅錢當中5%捐俾一間位於英國喬利嘅兒童醫院咁話，相信阿古路知道自己份禮物有一部份拎咗去做善事嘅話，應該都唔會嬲嘅。
阿古路部舊車已經有人落bid
-----------------------------
想財富增值 就真係要眉精眼企
想財富增值就梗係要樣樣計到盡，即使係借貸時嘅回贈，都要攞盡最大着數！喺2021年4月1日至2021年6月30日期間首次提取貸款，可即場獲獎賞現金高達港幣$5,000▲！
利用轉數快，足不出戶就完成手續，仲可以實現貸款瞬間過數^，星期日都照批★！。
推廣期由2021年4月1日至2021年6月30日(包括首尾兩天)
須受條款及細則約束，詳情留意邦民日本財務(香港)網頁。
忠告：借錢梗要還，咪俾錢中介
放債人牌照號碼：1328/2020
查詢及投訴熱線：3199 1199
-----------------------------
-----------------------------
《體蘋果》陪你睇波講波