今晨（17日）是周三（19日）沙田夜泥賽馬匹最後試跑課期，積極做工夫的有呂、沈、徐、摩及時廐。

《蘋果馬經》晨操專家積奇認為，沈集成馬房第六場三班1200米「大俠士」及第七場三班1800米「馬主星輝」狀態出色，同樣值得留意。

「大俠士」巫顯東跳兩段，戴頭罩走中檔，馬身喼得飽滿，毛色深潤，直路加速輕易造快時間，走勢強勁但唔急唔躁，狀態起得更好。

今次沈集成交此駒由巫顯東上陣，決心助徒弟仔攞威。

「馬主星輝」利敬國跳兩段，戴頭罩，慢開直路靠外欄走過，旨在輕抒腳頭故時間唔快，然身靚神態軒昂，落腳輕爽，早前大閘表現甚佳，勇態早備。