現時仍未藥物能徹底診治貓傳染性腹膜炎（FIP），不少貓主因「救貓心切」，試用未在港註冊的黑市藥，亦有貓主卻步，陷入「用與不用」的兩難狀態。《蘋果》在旺角隨機訪問寵物主人，10人中9人對山寨藥均有不同擔心，寧可寵物順其自然死亡，「唔會用動物生命冒險」。僅一人堅持為寵物用藥，「咁佢係咪都會死，不如畀個機會試吓」。

記者：盧藹雯 攝影：周子惇

貓主吳小姐表示，FIP儼如人類的癌症，即使藥物未經註冊兼從中國藥廠出產，只要可救「主子」，都會抱着一試無妨的心態，買藥為牠治療，「唔試嘅話隻貓貓都可能支撐唔到，不如試一試有個希望。」她指現時市面上很多產品，即使是外國牌子，均是中國製，難以避免。惟當她得知涉事藥物在港未經註冊，即表明不會考慮，「我哋要相信專業意見，呢啲畢竟都係道聽塗說，唔知係咪真係有效。」

學生莫小姐認為，身為主人需要保護寵物，「我唔想用我嘅寵物生命冒險。始終佢（藥物）未認證，就算係人又好動物都好，我哋都唔可以（使用）。」另外，當她得知藥物為中國製，即撒手擰頭稱一定不試，「中國以前都有好多例子，例如假奶粉，有好多副作用、後遺症，係我哋唔會預知得到。」

另一貓主陳小姐則稱，無論如何都會嘗試購買針藥為貓咪治療，即使獸醫指未能用藥也好，也抱着 「拚死一搏」心態救活貓咪，「你自己知道就要自己承受風險，如果因為呢支針佢可以生存耐啲，或者生活品質係有改善，我覺得可以試。」

-----------------------------
打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新
-----------------------------
你敢爆，我敢獎！ 立即WhatsApp《蘋果》24小時爆相爆片熱線 或致電：63836568