吳若希日前缺席台慶頒獎禮，佢喺社交網貼相解釋話係因為出紅玫瑰疹，被迫缺席（新聞連結： https://bit.ly/2QJNE2t ），今日吳若希返大台錄影節目時，話自己手臂嘅紅疹已經退咗好多，但其他部位都仍然嚴重，仲話醫生指佢可能因為工作忙，不過就唔使食藥，等兩、三星期就會好。而且因為佢個病唔會傳染，所以仍然可以抱住個女瞓覺。

提到佢喺社交網上，以「恭喜你呀一姐！」來賀同師的菊梓喬（Hana）奪最受歡迎電視歌曲獎，被網民話佢葡萄（新聞連結： https://bit.ly/2GwtLHr ），吳若希就話自己平日喺公司都係叫Hana做「菊姐」，只係講笑，仲話啲網民睇得宮鬥劇多，佢本身係冇嘲諷嘅意思咁話。

至於同場嘅古巨基，被問到佢太太有喜嘅傳聞，佢笑言太太下個月生日，的確係「有喜」，講到天王郭富城今日證實再度成功造人，太太Moka陀第二B（新聞連結： http://bit.ly/2LrCNE5 ），基仔就話會傳訊息恭喜對方，仲話自己都好期待，如果有好消息就會公佈。

精選娛聞，喺晒《娛果》
http://fb.com/appledailyent