譚詠麟、陳奕迅(Eason)、任賢齊同李克勤噚日出席喺大球場舉行嘅「香港2009東亞運動會100日倒數及火炬傳遞」記招,四位歌手都會擔任火炬手,Eason喺台上話能夠推動運動會覺得好高興,仲話細個時好鍾意踩BMX,阿倫即刻取笑佢話:「嘩!踩單車好危險,你所餘無幾。」Eason就反駁:「咁可以戴保護罩㗎嘛。」
阿倫同克勤對於冇咗健美項目覺得好可惜,阿倫好抵死咁話:「家啲人都轉咗,淨係睇女性胸肌,噚日(前日)日全食,啲o靚模趁機襲地球。」問阿倫係咪都有留意o靚模群攻書展,阿倫話:「有得唔留意咩?我覺得o靚模係分開幾個階段,有o靚模同乳模,乳模入邊又分開有模同冇模。」