花無百日紅，尤其當藝人更加體會到這句話，過去半年娛樂事業難免受到香港社會氣氛影響，陳蕊蕊今晚打扮靚靚出席灣仔一間紅酒商喬遷酒會。蕊蕊坦言過去半年的工作量減少超過五成，不過她沒有選擇靜待工作，一向好學的她在這段空閒時間，決定修讀一直有興趣的花藝師課程，整個課程需要一年多時間，預計明年底正式考國際花藝師牌，她說：「睇吓將來有冇機會開花店，呢個課程教埋營商、管理、入貨，我由以前做舞蹈員開始，一直都無學過做生意，而家慢慢學習，呢一年我都開始試下網上賣護膚品，做KOL，始終做演員好被動，要自己計劃下。」

聖誕檔期，她已經將時間表排密，不過絕非賺錢及玩樂，而是聖誕前會飛到台灣考美人魚潛水牌，希望未來可以親自教授學員，之後會即返港開始上一連串插花花藝班。她本身也愛品嚐紅酒，但絕對不捨得花錢飲名貴紅酒，最多是在慶祝活動上掹車邊品嚐大老闆開的名酒。平時也愛跟閨密在家飲紅酒傾心底話，她笑說：「同好閨蜜嘅朋友飲，因為會傾心事，起初有醉意時會喊，再醉啲就會玩得好癲，不過自從廿幾歲試過一次飲醉出醜，掃冧張枱啲嘢，仲要斷片無印象點返屋企，好彩有女仔朋友送我，自始我感覺到有醉意，就立即叫停自己。」

採訪、攝影：馬建華

-----------------------------
《2019高級珠寶鑑賞誌》
點擊即睇過百款鑽飾名錶
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇