剛剛從日內瓦返港的劉慧卿昨天在金鐘佔領區滙報聯合國之行。她指出，委員會雖無法律效力，但接受聯合國認可，全世界有百多個國家接受她的建議，並按建議去改善，「你（中國）唔鍾意可以退出㖭！但你加入咗個組織，你就要聽人講。你講教育、少數族裔就聽你講，講普選就唔聽，咁唔得㗎嘛！」
被問到聯合國去信政府要求普選，會否落入特首梁振英所講是外國勢力干預的範疇，劉慧卿回應指，人權委員會開會同一日，政府有派員出席旁邊另一個婦女事務會議，由勞福局秘書長帶隊，「佢又帶咗成隊兵去，喂，咁你帶（人）去邀請外國勢力干預呀？」她批評梁振英在無證據下，便隨便拋出勾結外國勢力的指控，反駁北京稱香港選舉毋須符合國際標準：「聯合國係大條道理去介入，因為你就係簽咗佢個公約」。至於會否總辭舉行變相公投，劉慧卿指要待黨內開會決定，重申任何有助推動普選的行動都樂意去做。