蔡卓妍（阿Sa 右二）主演嘅新戲《原諒他77次》票房走勢凌厲，前日累積票房逾590萬，成為華語片冠軍，單日票房就屈居喺湯告魯斯新片《盜墓迷城》之後，成績唔錯。
前晚阿Sa去荃灣嘅戲院謝票，噚日已經飛北京錄節目，佢喺電話表示：「好開心呀，自己第一次打電話畀老闆（楊受成）投資，唔衰得嘛！套戲唔蝕已經好開心，暑假通常都係西片天下，港產片有咁成績有交代啦。」
撰文：馮仁昭