資深馬迷，或者會記得N年前有隻七班馬「常勝」，而去年國際賽兼上月日本短途馬錦標盟主「龍王」就應該大把人識，咁當「常勝」遇上「龍王」會點，唔使諗都知啦。聽日第二場正正有隻「常勝龍王」，將馬名夾埋就如天與地，相差千萬里；但同樣咁天與地嘅就係「常勝龍王」係前馬王「雄心威龍」同母細佬，目前後駒現評130分，而前駒就啱啱打個七折得38分，Almond李易達有匹咁嘅馬，真係唔知好嬲定好笑。不過只要「常勝龍王」有「雄心威龍」三成功力，初落五班要W有幾難？就睇吓呢匹馬聽日會唔會為馬迷帶嚟驚喜啦。