韓國「得意妹」秋小愛個老竇秋成勳本身係格鬥選手，雖然近年秋成勳經常出演各大綜藝節目，早前仲聯同老婆矢野志保以及小愛到蒙古拍攝SBS新綜藝節目《秋可愛一家出發喇》，當時秋成勳仲自爆出演節目嘅原因係喺城市生活太大壓力，所以先決定來蒙古旅行放鬆心情。

矢野志保又指小愛一直忙於學習韓文、英文、體操、鋼琴等，原來小愛除咗呢啲課外活動之外，佢仲遺傳咗老竇嘅格鬥因子，秋成勳大前日就上載咗女兒幾張照片，當中小愛就變身做格鬥小選手，戴上拳套示範出拳，雖然只係得相片，但已見小愛台型十足，姿勢仲有板有眼，出拳時露出冇有怕樣，唔知秋成勳係唔係想訓練女兒做接班人，所以先培養小愛興趣，秘密訓練佢做女格鬥選手？