黎芷珊今到新城電台接受訪問，佢將頂替吳綺莉任商台節目《1圈圈》主持，佢話：「唔關我事0架，件事咁講，我好慘0架﹗當初搵我，只係知要做個節目，約一星期前梁泰來(陳志雲愛將)搵我，當時唔知要頂任何人。」

芷珊話間中有聽吳綺莉主持節目，認為不如外間所指嘅又悶又out，仲話依家反而令佢呢個「接任主持」有壓力。

芷珊頻呼：「唔好畀壓力我，我只係做自己要做嘅嘢。」期間主持人薛家燕等芷珊合照，仲笑謂：「芷珊依家好紅，要我等，我節目啲嘉賓一啲都唔out。」