電影《鼓動真我》（Whiplash）男星米爾斯泰勒（Miles Teller），被爆日前於美國聖地牙哥醉酒鬧事，《TMZ》報道指佢被警方拘捕。據內容引述警方消息指，米爾斯泰勒當日跟友人出席完Party時醉到起唔到身，被警員發現後仲發酒癲，表現亦相當唔合作，而現場消息指，米爾醉到失去平衡，更差啲跌出馬路，大吵大鬧後，被警方用手扣將佢帶往由義工開設嘅排毒中心，點知米爾表現並不合作，中心方面拒絕對方留低接受治療，米爾醉酒被捕送到拘留所近四小時才獲釋放。被捕消息公開後，米爾喺社交網Twitter立即回應，佢否認曾經被捕：「我只係被拘留，沒有證據可以起訴我犯罪。」仲叫大家唔好信報道內容。

米爾近年除主演《鼓動真我》外，亦有演出新版《神奇4俠》（Fantastic Four）及《分歧者》（Divergent）系列。