【爆相爆片】陳瀅暗撻失戀陳家樂 冧樣餵食魚生

蘋果日報 2018/12/04 00:00

陳瀅爆相爆片壽司陳家樂撐枱腳
    29歲「宅男女神」陳瀅(Jeannie)前年與四太梁安琪嘅大仔何猷亨爆分手，之後二人仍頻頻約會，一齊睇煙花，又甜蜜茶聚，但卻否認翻撻。「女神」回復單身梗係多人追，緋聞一隻手數唔晒，周志文、張振朗、林景程、溫家偉、方力申、羅天宇……仲有「衣架大王」個仔劉德俊等等，魅力沒法擋。
    而陳瀅嘅緋聞男友名單，似乎又要再添一員，就係早前為失戀爆喊嘅陳家樂！
    大前晚（1日）約7點，《蘋果》讀者王小姐透過「爆相爆片」指喺中環萬宜大廈一間好平民化嘅日本餐廳，遇見陳瀅同陳家樂一齊撐枱腳。讀者王小姐話陳家樂較先到達餐廳，由於係周六晚上，好多OL都放假，所以餐廳比較少人。佢話：「陳家樂嚟到坐咗入面，陳瀅之後到就坐外面，佢哋叫咗好多嘢食，佢哋傾得好投契。」見陳家樂幫手燒嘢食，同陳瀅好似有講唔完嘅話題。
    佢哋共用一碟醬油，見家樂想將魚生遞向陳瀅嘴邊，陳瀅亦有低下頭，隱約聽見佢笑咗幾聲，但最後都冇食到，家樂自己食番。雖然餵食失敗，但家樂笑得好甜，個樣明顯好冧。大約8點，兩人便埋單離開。
    其實陳家樂同拍拖近4年嘅余香凝都係分咗手幾個月，陳家樂一度傷心到流下男兒淚，連開工都冇晒心機，(相關新聞﹕ https://bit.ly/2KOZRMW )。估唔到家樂治療情傷嘅速度都好快，據悉佢同陳瀅最近合作拍《廉政行動2019》，未知是否日對夜對，培養出真感情？！
    精選娛聞，喺晒《娛果》
    http://fb.com/appledailyent
    empty
    (讀者王小姐提供圖片/資料圖片)
    empty
    家樂最初想將魚生遞向陳瀅嘴邊，個樣笑得好冧。(讀者王小姐提供圖片)
    empty
    陳瀅唔食，家樂就自己食番。 (讀者王小姐提供圖片)
    empty
    陳家樂仲負責燒嘢食，展現男士風度。 (讀者王小姐提供圖片)
    empty
    如果拍拖好耐嘅情侶，好多時都各顧各玩手機，但佢哋就好似有講唔完嘅話題。(讀者王小姐提供圖片)
    empty
    由於係周六，中環食店晚市唔算多人。(圖片由讀者王小姐提供)
    empty
    陳瀅與何猷亨分手後仍不時相約見面。(資料圖片)
    empty
    陳家樂數月前與拍拖4年女友余香凝分手。(資料圖片)
    empty
    陳瀅與羅天宇都傳過緋聞。(Ig圖片)
    empty
    陳瀅曾經出過全裸寫真集，年輕兼身材好，難怪追求者眾。(寫真集圖片)