先達廣場由早年主打售賣水貨手機，近年演變成iPhone炒家集散地，在商場一樓開舖12年的PhoneBook老闆張先生（Simon）似乎不太看好新iPhone的炒賣能力。「除非大陸唔係同步出，係大陸冇先有得炒！同埋個樣同規格變化好大，都可能有得炒」。

但暫時未有太多對新iPhone的查詢，炒風一代比一化遜色。而且，有傳一部iPhone8隨時索價近萬元，「買部電腦都唔使咁貴，好多人都接受唔到，至少本地人唔得，大陸人可能仲可以好豪爽嘅」。

Simon憶述，iPhone4是最好炒的手機，炒足一年仍未跌穿「一手價」，同時令先達成為炒家樂園，「當時排隊放機嘅人，由商場一邊盡頭，排到去另一邊盡頭」。至於賺錢能力最強，是iPhone6，因為機價貴，但仍可以賺到一倍以上，利錢豐厚。「以前iPhone炒得最勁，一日營業額有500萬至600萬元」。

因為iPhone熱炒，Simon賺到間舖，買入自用。而對面另一間舖則是租用，現時月租1.2萬元，比兩年前已經跌了一半。租金大跌，Simon認為，現時營商環境好轉，「舊年年頭商場最差，冇咩人行，今年起碼見到有翻啲人行」。由於租金下跌，吸引其他行業來開店，包括賣眼鏡、波鞋等。

在先達地下開舖11年的流動帝國店主楊先生（Alex）亦睇淡新iPhone炒風，以前iPhone未出前會有好多人問，但現時越來越少人問，可能是現時保密功夫做得差，未公佈已經知道大部份規格。「同埋iPhone嘅功能，好多機已經一早有，由以前主導變咗跟人，冇晒新衝擊」。預期新iPhone炒賣周期最多只有一個月。

Alex直言，以前iPhone當炒時，日日營業額都過百萬元，「做一日生意純利已夠交成個月租，即係其餘29日都係淨賺」。雖然iPhone聲勢越來越弱，不過都是每年暑假後行內期待的日子，希望可以同時帶動周邊產品銷路。「尤其今年人民幣升值，都憧憬大陸人會返嚟買機」。

他形容，先達之前兩年氣氛都差，但現時租金已差不多跌定，自己舖位亦獲業主減一半租，相信商場開始走出谷底。

記者：程俊華
攝影：周智堅

蘋果財經，關心你飯碗
http://fb.com/appledailyatm