今屆無綫視后爭崩頭，視帝同樣爭持激烈。鄭嘉穎在《怒火街頭》中飾演深水埗流氓律師Law霸，演得夠放又好笑；《潛行狙擊》的LaughingSir謝天華就擺明chok爆，衰衰格格但入型入格，下月他更會和黃宗澤再度合作拍電影版，增強爭獎氣勢。
本來視帝是Law霸惡鬥Laughing，豈料突然殺出程咬金林峯和黎耀祥，令鬥爭更白熱化。林峯主演的《不速之約》下月播出，劇中他扮演紅眼魔鬼。據知近日林峯已再續約無綫五年，但他不認為續約有助攞獎，日前他接受訪問說：「我係續咗約，條件滿意，合作係講個心講公平，大家互相信任。」講到攞獎信心，他說：「我信心入五強啦！」

祥仔盼三連霸

黎耀祥擔演的《法證先鋒III》是台慶劇，劇中他飾演法證部總督察，不知會否繼去年冧莊視帝後，再上演三連霸，祥仔昨於電話中說：「我對獎隨緣，我又唔係特別恨，但冇人嫌多獎，再畀我攞多十次都制。」對於視帝對手，祥仔說：「Laughing呢排大家會談論，Law霸就一改形象，林峯千祈唔好睇小，佢個個角色幾特別，今年頒獎禮好睇過舊年同前年，夠百花齊放。不過大家睇漏咗隻黑馬Bosco（黃宗澤），佢喺《潛行》表現好好，出位程度不下於Laughing。」
採訪：夏琴