當年今日

  趙世曾復甦樓市有好橋 - 李八方

蘋果日報 2002/11/02 00:00


提起趙世曾,大家可能馬上會聯想到花花公子、嬌豔北妹;好少人會諗起地產市道。但趙世曾的而且確係一個地產商,佢旗下間卓能集團真係有起樓。八方幾年前去賣地場合,多數都見到趙公子,而且佢重經常爭住舉手承第一口價;雖然佢好少繼續舉落去,但就一定吸引到全場鎂光燈。
點解忽然講佢?唔係有乜嘢緋聞,而係趙公子下個禮拜一會喺軒尼詩道間卓能廿一世紀廣場開記者會,分享佢「投身地產界四十年之心得」,及「如何必能使樓市轉升之道」,以作政府制訂政策有關人士參考。你估梁錦松、孫明揚到時會唔會去學吓嘢呢?


傳真︰2623-9278
電郵︰[email protected]