李安憑電影《少年Pi的奇幻漂流》(LifeofPi)再奪奧斯卡最佳導演，更是今屆康城影展評審，出入獲大會安排5、6名保安護駕。如果話唔識佢，肯定會俾人笑。偏偏李安香港時間今日凌晨喺康城出席「台灣之夜」嗰陣， 入場時竟被有眼不識泰山嘅老外保安要求排隊入場 ，好彩最後有公關發現上前解圍，即刻帶番李安入場。

李安出現亦成為整晚亮點，被傳媒包圍訪問，問到當評番後，佢睇咗幾多部電影？對賈樟柯嘅《天注定》有乜感覺？李安好小心咁答： 「看了，但不能講，請尊重評委的權力。自從得了奧斯卡後，我說話也開始變得小心了。」

談到近年多咗華語片入圍康城影展，李安又話： 「我對華語片的期待，不管從哪裡來都能夠健康的發展。華語片巿場大，希望大家繼續加油。」 有指袁和平將開拍《臥虎藏龍2》，李安希望拍攝順利。

其實個晚會喺李安出席之前，星光黯淡，短片《台北工廠》製片李烈與參與該片嘅導演張榮吉、陳芯宜、趙德胤與沈可尚都有到場，但睇嚟心情就麻麻。《台》片是係「導演雙周」單元開幕片，首映當日，同張榮吉合作其中一段短片《老張的新地址》嘅伊朗導演阿里控訴在台拍片時遭種族歧視，張榮吉激動回應： 「電影因他令焦點被搶！」 李烈則爆料所有導演都冇糧出，但唯獨只得阿里抱怨。



逢周五隨《蘋果日報》附送嘅時尚美容雜誌《add》第三期雖然早已派完；拎唔到書嘅朋友，可以上番《add》嘅官網 http://add.appledaily.com睇番足本網上版，除咗有何超瓊專訪，仲有好多時裝靚嘢睇！