韓國人氣育兒節目《超人回來了》今日播出最新一集，喺節目中勁受歡迎嘅混血娜恩同弟弟建厚今集會受到考驗，當中節目組公開嘅預告照中，娜恩姊弟嘅足球員爸爸朴柱昊假扮大肚，而節目組就安排隱藏式鏡頭拍攝娜恩呢對姊弟嘅反應，當佢哋得知將會有細佬時都大感驚訝，兩姊弟都瞪大雙眼。

不過娜恩同建厚就非常愛錫呢位「新成員」，娜恩仲好奇埋去聽爸爸個肚，二人又為「弟弟」唱歌跳舞，為胎教付出了努力。

另外，節目另一對混血兄弟威廉同本特利亦都有唔少粉絲，喺今日呢一集中兩兄弟就會孖老竇齊齊扮演傳奇樂隊QUEEN，非常搞笑。

精選韓流，喺晒《娛果》
http://fb.com/appledailyent