在安居街經營車房的邱先生向記者說，近年，附近圍村及工廠區多了很多偷渡客及越南仔，經常聽到有街坊在假期及夜間經過附近時被人搶劫，「有啲仲離譜，扮和尚同埋收買佬，推住架車仔周圍行，見到無人同無狗吠聲，就攞晒啲工具出來爆竊。」邱先生說，改善治安的唯一方法，就是警方加強巡邏密度。
「幾年前俾兩個賊打劫，到𠵱家仲驚緊。」住在附近圍村的陳婆婆說，村內的街坊都知道附近常有偷渡客搶劫，故出入聯和墟雖然只有10分鐘路程，但寧願搭的士都不會徒步來往。
北區區議會主席李國鳳昨晚表示對今次事件非常關注，稍後會探望傷者及立即與警方開會，要求警方加強巡邏。
本報記者