「詞壇聖手」盧國沾噚晚喺紅館舉行作品展，請咗好多朋友嚟到唱歌，薰妮都有嚟到表演，仲喺台上又唱又跳，佢唱完之後話沾sir咁多年嚟，寫咗三千幾首歌，首首都好聽，值得俾多啲掌佢。之後佢又話：「其實我今晚差啲想推咗個騒，好多朋友都知我呢8年經歷好多，因為有紅斑狼瘡，好難控制自己，怕發生問題嘅時候，會失準又令大家失望，病發嗰時會眼腫面腫，但o依家聽到咁多掌聲真係好開心。」

薰妮又再強調自己真係想唔嚟，因為腫起上嚟真係會失準，佢又話：「不過我講過，只要係盧國沾嘅嘢，我打橫打直都會出嚟，所以今日嚟咗。」薰妮說時更眼濕濕。