蔡卓妍（阿Sa）昨日在灣仔為新唱片《BeautyRemains》舉行銷量祝捷會，她表示明年Twins會推出國語唱片，希望屆時有更多時間做宣傳。雖然投入工作可能要犧牲拍拖時間，但她認為戀愛有許多種方式，不會受影響。至於會否和陳偉霆組情侶檔？阿Sa說：「遲啲先啦，暫時想分開啲，最近太多嘢，唔想咁多。」

陳偉霆娶硬阿Sa

有消息指她在跑馬地築2千呎愛巢準備和男友同居，對此阿Sa回應說：「都話係買畀媽咪住，之前已經講過。」阿Sa今天會到廣州為亞運擔任火炬手，她說：「好光榮，亦係我人生中最有代表性嘅事。」
此外，陳偉霆昨日出席在大嶼山舉行的「跑酷」騷活動，回應有指阿Sa買豪宅與他築愛巢一事，William說：「我咁大個仔唔需要俾人哋收藏，我知道阿Sa買樓，佢有同我講過，朋友都會上朋友屋企，更何況男女朋友。」他強調就算將來結婚都會繼續同母親住，他認定阿Sa為結婚對象，但阿Sa表明暫不打算結婚，William坦言：「冇問題，佢都好有道理，家我都未係適婚年齡。」
採訪：魯萍、胡比
攝影：彭琮然、陳俊強