因電動方程式賽車(Formula E)香港站賽事，部份巴士線須臨時改道，新巴發生疑因改道入錯線事件!一部4號路線新巴，循環行走華富(南)及中環(干諾道中)，中午12時許，當時載有10多名乘客的新巴，駛至中環ifc的卸貨區對開，疑有人睇錯路口，本應在金融街小巴站駛入臨時巴士站，惟車長卻早了一個路口，將新巴誤駛入ifc卸貨區內，惟車頂超過卸貨區的高度限制，新巴駛入約三分之一，車頭便告卡住，繼而撞爆卸貨區天花頂的水管，當場爆出水花，天花的鐵蓋亦告撞毀，水流不斷湧出，由新巴車頂流入車廂內，乘客慌忙逃到下層，車長開門讓乘客離開，意外中無人受傷。新巴車長在場協查，警方正調查意外原因。

目擊意外的鄧先生表示，當時他在附近拍照，見到車長「冇睇路牌，我下意識畀手勢佢（唔好駛入），佢就一嘢撞過去，好彩我當時避得快，如果唔係畀佢撞死！」他指聽到有人向警方表示是替更車長。

你敢爆，我敢獎！ 即Call《蘋果》24小時爆相爆片熱線 ：63836568