王宗堯《王探黃》男神變廚神 連線黃店發揮獅子山精神
蘋果日報 2020/12/24 23:45
王宗堯王探黃黃店蕃茄仔red object
王宗堯男神變廚神 老銅出沒搵Red Object
王宗堯在第二集《王探黃》出動，帶主播汶汶到銅鑼灣懲罰黃店「蕃茄仔」，該店5月疫下開業，店中座位不多，限聚令和晚上6時後禁堂食，令食肆雪上加霜，王宗堯今集帶大家去吃至愛蕃茄濃湯麵食，他還跟店主走入廚房一邊煮食，一邊來個Men’s talk，王宗堯鏡頭前介紹店主古生時說：「姓古嘅特別勁。」王宗堯依古生指示煮麵、放湯和擺碗，他又用火槍燒鰻魚，由下廚到送餐都非常熟手，男神變廚神，主播汶汶吃王宗堯親手炮製的鰻魚麵，特別滋味。
王宗堯表示最初是冒名來幫襯「蕃茄仔」，後來跟古生相熟，發現大家都撐年輕人，理念一致。武漢肺炎爆出第四波，政府收緊社交距離措施，宣佈今個月中再禁晚巿堂食，古生表示當日王宗堯得知消息後主動到店中幫手做團購送外賣，所以當王宗堯出post告急求懲罰，古生都出手幫忙。王宗堯明白過去一年港人受疫情影響捱得辛苦，大家必須互勉。節目中，王宗堯還邀請了另外兩間黃店，「榮少喇沙」的老闆阿榮和「After Taste Coffee」老闆Tony到來吃麵吹水，其實王宗堯跟幾家黃店一直有一個group連繫着，他們早在疫情爆發時便低調為社會出錢出力，籌口罩和搓手液幫助社區中有需要的人。
黃店團結互助
阿榮和Tony都是經營黃色小店，面對政府防疫措施不濟令飲食業經營困難，阿榮斥政府打壓帶來很多影響，黃店之間更要團結互相扶持求生，王宗堯亦很認同：「去年社運，今年疫情，迫我哋搵香港人團結嘅力量，將件事繼續延生落去，好多大家覺得而家係低潮期，相對地比較沮喪，搵唔到方向，或者開始灰心放棄，或者靠你哋（黃店之間）去繼續連番件事一齊。」阿榮透露有跟議員合作，務求手足有三餐溫飽，Tony則會跟其他黃店團結，互相協助。
汶汶問到阿榮和Tony可有加入懲罰王宗堯？阿榮說：「我跟住佢，佢去邊間店食咩，我都跟住食咩！」王宗堯搞爛gag：「你成日話我食咩，你食咩，啲人會誤會，好多嘢唔可以亂食㗎。」對於大家的溫情，王宗堯坦言覺得感動：「一方有難，八方支援，就係香港獅子山精神。」《王探黃》將每於周四晚上10時半在果燃台和蘋果動新聞YouTube Channel播出。
王宗堯帶主潘汶汶銅鑼灣幫襯黃店蕃茄仔。
王宗堯男神變廚神，入廚房學煮麵。
王宗堯向老闆古生（右）偷師。
王宗堯用火槍燒鰻魚。
王宗堯煮好羊肉萫茄濃湯麵。
王宗堯與另外兩位黃店老闆交流。
羊肉蕃茄濃湯麵。
鰻魚蕃茄濃湯麵。
店中可以免費派發當日《蘋果日報》。
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！