一方面狠批人哋係最大貪污國，一方面言笑晏晏去到美國同最大貪污國最高領導人揸手。這是中國人的偽善？還是胸懷？

本月11號，成龍先至喺鳳凰衛視節目《鏘鏘三人行》大發偉論，話美國係世界最大嘅貪污國家，又話只係因為中國強大，外國人先至會攞中國嘅問題嚟大做文章，呼籲觀眾要支持國家、支持「自己人」喎。

其實呢張握手相，係噚日擺喺成龍嘅facebook專頁，特登tag埋奧巴馬個名，短短一日，已有18萬人like，唔少都係外國人。之不過，呢張相，係攝於2011年1月，成龍當日應邀出席白宮晚宴，返到嚟仲同人講，奧巴馬都係佢fans。

點解成龍個官方fanspage無啦啦貼多次呢張相呢？係管理員想同大家溫故知新、定係幫成龍嗰句「美國係最大貪污國」解畫？