政府清潔外判承辦商張先生聘用近千名員工，最低工資條例生效前，每月薪金開支近600萬元，法例實施後，每月增加百多萬元開支。他說，政府至今未交代何時發還最低工資補貼差額，他大失預算，向銀行借錢遇困難，「家仲同銀行傾緊，佢哋即使肯借，最多都係借一半，其他錢要我自己墊住先」。他認為政府應在出糧日前發放預計的補貼金額，外判商日後交還單據時才計算差額。
環境衞生業界大聯盟召集人甄瑞嫻表示，政府過往通常在糧期後45至60日才向外判商發放薪金，擔心最低工資補貼也以類似形式發放，「如果銀行唔借，就要問屋企人借，外判商即使唔即時死亡，都分分鐘被陰乾」。
《蘋果》記者