白韻琹﹑黃夏蕙﹑張立基﹑蔡國威及姜麗文等，噚晚喺尖沙嘴TheOne出席電影《黃金花第2大酒店》春風首映大派對。

姜麗文早前因為喉嚨生繭，要做手術，噚晚佢全程都講唔到嘢，僅以手語回應記者提問。佢話要休息一兩個月，0依家要停工。咁有冇講電話？佢繼續以手語回應：「冇呀，但因為爹哋媽咪唔記得咗，打咗畀我，自己都講唔到。」

咁緋聞男友鄭俊弘知唔知？佢話自己冇同對方講，唔想佢擔心，0依家都要食藥，佢表示之前接受微創手術，唱唔到歌好唔開心，要慢慢康復，佢仲話自己不煙不酒。

咁點解會有生繭呢個情況出現？姜麗文就表示：「醫生話我上年唔開心，喊得多，影響情緒，所以生繭。」