曼聯球星保羅普巴今日襲港，各位魔迷有冇幸拎到佢簽名呢？如果好彩普巴喺你件曼聯波衫度簽咗個名，件衫馬上升值！

曼聯官方仲有得賣上季嘅波衫，一件印埋普巴名同號碼嘅英超字主場波衫，家陣賣緊43鎊，大概值430蚊港紙。不過，如果一件普巴波衫上面，係有埋呢位法國中場嘅親筆簽名的話，就會有收藏價值，值錢好多。喺拍賣網站ebay，唔少人將普巴嘅簽名波衫放上網賣，故勿論真偽先，一件至少都開價成千蚊港紙，亦見有件賣緊3,500蚊港紙！同一件齋波衫相比，呢件簽名波衫升值七倍！當然，相信大部份魔迷搵到普巴簽名後，都會將件波衫好好收藏，裱起佢做家傳之寶！