《日落巴黎》可能係近年難得嘅寫實愛情電影，難得之處係導演同演員一齊度劇本，差不多全片淨得兩個演員做戲，但又可以令你細味品嘗嘅一套作品。此片的拍攝手法也非常特別，導演李察連卡特用真實拍攝時間方法，即係話，個古仔時間，同你睇碟嘅時間係一樣。
伊芬鶴健（EthanHawke）和茱莉黛比（JulieDelpy）兩個人嘅感情表白亦處理得很好，如果你從來無睇過9年前《情留半天》（BeforeSunrise），當你睇《日》時就會覺得有少少悶，因整套戲嘅內容只得兩位主角由頭傾到尾，戲肉就係兩人嘅對話，好細膩咁表白感情關連，但係當你有睇過《情》，就一定唔可以錯過《日》片。

9年後的邂逅

故事講述謝西（伊芬鶴健）和莎蓮（茱莉黛比）在1995年相遇後，一夜歡愉，當時他們承諾6個月後約定在維也納相會。9年後的今天，二人因機緣下，在巴黎一個讀書會中再一次相遇，在只有短短的一個下午，他們由輕鬆幽默的對話，到真誠真意的表白，過了多年的感情，會如當日般再次熾熱燃燒嗎？還是另一個錯誤的開始。
睇完套戲，就梗係要睇埋佢嘅製作特輯，佢哋用咗好短嘅時間由籌備、度劇本以至拍攝，但在咁短嘅時間，可以拍到一齣咁細膩嘅都算唔話得，雖然過咗情人節，不過仍可以此片跟愛侶安坐家中，感受一下浪漫情懷。
文：朱就

旺角價：
約$138（DVD）
約$58（VCD）