虛銀和傳統銀行最大分別在於「不設實體分行」，卻不需擔憂遇問題求助無門，英國用家淡定講解，虛銀設有24小時online chat，「基本上你有乜問題都有人覆你」。

虛銀或傳統銀行均需接受當地監管機構規管，並需定時進行壓力測試，以管理流動性及各類風險。虛銀可經營的業務與銀行大致相同，最大不同之處在於虛銀全數碼化，透過手機同電腦提供零售銀行服務，不設實體分行。

「無分行網絡」不一定失分，英國用家Max批評銀行分行營業時間欠彈性，落分行排隊費時，虛銀24小時網上支援更適合上班族。

他舉例指，曾記錯密碼滙豐銀行戶口被鎖，「我當時致電客服要求解鎖，糾纏若干時間才將我接駁去處理戶口嘅部門，聽嗰啲音樂，然後一句唔好意思，原來相關部門6點收工，加上星期六、日分行唔開，要等到星期一先處理到…………嗰幾日我忐忑不安，基本上我用唔到錢咁滯，好彩Monzo（戶口）有啲錢。」

「好夜、應急、好需要幫忙嘅時候，（Monzo）可以幫你解決好多麻煩，唔需要預約、打電話，只需要係屋企坐喺度，就搞掂所有嘢，（體驗）係非常之好」。

事實上虛銀應用了「遙距開戶」技術，只需影低簽證卡（Biometric residence permits），重啟開戶認證，僅需半小時。Max更直言，「用過虛銀服務，就返唔到轉頭，返到香港都唔想用傳統銀行啦！」

記者：黃珮琳

investMAN
For People of Style & Substance
掌握理財智慧 感受生活品味
http://investMAN.hk
---------------------
2020年 股樓何去何從
林本利教你部署退休生活
點擊參加【林本利2020股樓部署】FAN享會
-----------------------
屬於香港人的移民攻略
立即登入【全球樓行】
Dream House零距離