【識心肺復甦】何廣沛緋聞女友朱晨麗早前暈倒︰我暈都冇人幫我
蘋果日報 2019/09/28 13:20
朱晨麗何廣沛
左圖攝影：仇志德
何廣沛今日在中環出席心肺復甦教育活動，有傳無綫怕有黃絲廣告公司客狙擊，故11月節目巡禮和台慶亮燈將會取消，他表示有聽聞，但不清楚情況：「只係網上流傳，唔確定係咪真，如果真係，冇可能係保持神秘。」暫時他未收到要出席有關節目的通知，至於會否像港姐等節目一樣，不安排現場觀眾，他則說：「唔清楚，未有進一步指示。」
他中學時期在美國讀書，心肺復甦是必修科目之一，笑言幻想過課堂上為女同學做人工呼吸，但實際是對着假人練習，最深刻印象是對着黑皮膚假人急救，要搓心口和做人工呼吸，現實中則未遇過突發情況需幫人急救，他覺得學生增長知識應修讀有關課程。另外，早前緋聞女友朱晨麗拍劇暈倒，問他可有為對方做人工呼吸？他說：「當時唔喺佢身邊，我暈嘅時候都冇人幫我。」
何廣沛對於公司今年取消節目巡禮和台慶亮燈，表示不清楚。
何廣沛在美國讀中學時，心肺復甦是必修科目。
何廣沛今日出席心肺復甦教育活動。
何廣沛的緋聞女友朱晨麗早前暈倒，他表示當時不在對方身邊。（資料圖片）