李八方online｜立法會大樓西環化 門口擺大型花槽
蘋果日報 2020/09/25 20:07
李八方online立法會政府總部梁君彥
諗起政府總部仲喺中環，外邊無圍欄嘅日子就唏噓。而家莫講話政總，連立法會大樓都就嚟成座監獄咁。立法會行政管理委員會主席梁君彥前排話通過採納保安顧問嘅建議，喺立法會大樓外圍加裝防撞欄同新閘機。今日（25日）立法會就圖文並茂，原來大樓外仲會裝學埋西環咁整花槽（咁咪好似西環囉？）同埋圍欄。搞咁多做咩？不如將立法會埋落地底算啦。
立法會份文件話，遲啲會喺立法會大樓外裝圍欄、花槽、防撞柱，立法會廣場（即係煲底出面）就裝連花槽嘅圍欄。呢個由納稅人埋單、作用係隔絕納稅人嘅工程分兩期，第一期今年11月開工，20/21年度完成，第二期就21/22年內完成。
想當日成個添馬艦工程仲叫「門常開」，何等諷刺。藍絲們實賴係因為示威衝突先要咁做，咁又係咩原因導致示威衝突呢？
安裝連花槽嘅圍欄後的立法會大樓。（立法會文件）
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！